काश्मिरी काश्मिरी

 

(चल – भूमरो भूमरो)
काश्मिरी काश्मिरी आम्ही सारे काश्मिरी
आला हो हिमगिरीहुनी ओ ओ ओ हु S S ||धृ||

आलो हो आलो आम्ही
गुलाब घेऊनि आलो
गुलाबी रंगात या
न्हाउनी मुग्ध झालो

हो हो गुलाबी थंडी आली
मन आम्ही रिझविता
शिकारे घेऊनि आलो
झील आम्ही पर करितो

या हो तुम्ही नावेमधूनी
गीत गाऊ साद घालू
मौज करू काश्मिरी ||१||

गोरीचे गाल कसे
सफरचंदी बाग जसे
निळ्याशार पाण्यामध्ये रक्तवर्ण पद्म जसे ||२||

हा रंग प्रेमाचा हो
हा रंग स्नेहाचा हो
आपसात वैर नाही
देशाची शान आहे

आम्ही सारे एक हो
सत्यम शिवम सुंदर याशी
जुळले आमुचे नटे हो ||३||

हिमगिरीत आमच्या
माता वैष्णवी ही
तिच्या दर्शन हो येती
भक्तजन नित्य येती S S S ||४||

काश्मीर भारताचे
नंदनवन आहे
देशाच्या आमुच्या हे
गौरवस्थान आहे
हे तराफे फिरती येथे

पाण्यावरती शेते
सुंदरता ही घेउनी आले
अवनीवरती तारे ||५||

काश्मिरी काश्मिरी …

 

 

Leave a Reply

Your email address will not be published. Required fields are marked *